جريدة الأهرام الجديد الكندية 
مقالات مشابهة
مقدرتش افوق
وقت ما سالت كتاب الشوق
خلانى ليه اول صفحة ؟!
التزم لنهايته بالفصحى
و جه ف النص قال ” مدلوق “
جواه باب اسمه ” مصحة “
ذكر كل التفاصيل الا اللى ضحى
مقريتوش ..
مفضيتش من ايامى الجارحة
و هو من امتى ادانى فرحة
ومعبرتوش !
هل اهل الحب تجمع على ان
الفدا شئ مغشوش ؟!
اصل بعد ما ضحيت هي سابت
جيت احسب سنينى اللى فاتت
عمري ملقيتهوش !
و معدل النسيان بيزيد غير ثابت
قرار اخدته بعد ما كسرت و غابت
” كل الاحبة ميجوش “
كتبت قراري ع الكتاب
بس مبينوش
فا عيدت كتابته على جواب
و لﻷسف ..
حبر الشوق طلع فاشوش !
” ديفيد منيب “
