جريدة الأهرام الجديد الكندية مقالات مشابهة
اسمه “عبد الرحمن” يتجول فى ميدان طلعت حرب وخلفه خمسة من الكلاب
منذ ثلاث سنوات طرده ابوه هو واخوه إرضاء لزوجته بعد أن تركت له البيت وخيرته بينها وبين الأولاد.
أول ما نزل الشارع قعد عند واحدة اسمها شيماء معاها أوضة ” استأجرها بدل العيشة فى الشوارع ومن شغلته فى مسح العربيات وببيع المناديل ادخر 360 جنيه سرقتهم منه صاحبة الاوضة وطردته من تانى للشارع
علشان كدة بقى العيشة مع الكلاب اوفى من النبى آدمين
ويقول فتى الشارع : “بعد ما أفطر كل يوم لازم أروح أجيب للكلاب رجلين فراخ عشان يفطروا وساعات لو حد ادانى كنتاكى لازم أديهم الحته الحلوة اللى فيها لحمة مش العضم وخلاص هما برضو روح ، ساعات كتير أو لما بتعب بفضل قاعد مكانى ومابلاقيش حد يطبطب ولا يحن عليا غير الكلاب، والكلبة الكبيرة ساعات زى ما تكون بتطبطب عليا وبتكلمنى وأنا تعبان”
احلام “الراقص مع الكلاب” تتلخص فى سرير يوؤيه وغرفة تمنع عنه “أصوات الصراخ والعفاريت إللى فى الأحلام بتخوفه، ويجيب فيها بوتاجاز ودولاب يحط هدومه فيه
نفسى أعمل شهادة ميلاد وأظبط نفسى وأبقى واحد محترم وأشتغل وأذاكر وأبقى إنسان كويس، عشان لما أكبر أعرف أتكلم وأكون كويس وأشتغل شغلانة حلوة بين الناس، أنا برسم حلو أوى ونفسى أطلع رسام
