جريدة الأهرام الجديد الكندية 
مقالات مشابهة
محمد السيد طبق
قلت مليون مرة أن النظام القمعي نظام ضعيف وهش وان النظام في مصر صدق وبصم أن الشعب مات فمسك سكينتة وبيدبح زي ما هو عايز وحوالية شوية جزاريين. .مصر خزينة الله في الأرض انا مصدق كلام ربنا ومش ها صدق أي حد يقول اننا فقراء اوى .. وزير فاسد من عهد فاسد قامت علية ثورة لفت الدنيا بس بسرعة اوي ورجع …علي المصيلحي وزير مرة تانية في عهد أكثر فسادا .. الوزير مسك سكينتة القديمة اللي كان خباها بعد 25 يناير وراح علشان يدبح آلاف من شعب جعان ويمنع عنهم رغيف العيش ….
اية المشكلة لو انت مالقتش عيش مدعم كنا نروح نشتري رغيف ب25 قرش اللي بقي ب50 قرش وبعد التعويم بقي ب جنية … دا تفكير مصيلحي شعب كل دقيقة بنزود علية أسعار كل السلع وساكت طز فية هو عايش لية ادبح يا عم ..
إنتفاضة في الإسكندرية إنتفاضة عيش مش لحمة ولا زيت ولا حتي سكر وشاي. . إنتفاضة عييش. . افهم أن اللي خرج وانتفض وردد هتافات ضد النظام كان انسان جعان
جعان .. جعان.. والله العظيم جعان … اكلة عيش حاف. .كان زمااان بيجيب طعمية… فول .. قبل ما اتسود الدنيا في عنية
الطعمية بجنية .. الطعمياية بقت بجنية
صرخة وواقفة من مجموعة غلابة اجبرو الوزير المتكبر انة يحط سكينتة في درج مكتبة …
قرارا بيتراجع عنة نظام في ساعات من واقفة جعان في شارع مش في ميدان
الجعان.. العطشان ..العاطل.. واللي مش قادر يجب الدوا واللي انكوا … صرخة واحدة للسما صرخة مسمعة صرخة حتي لو قدام وزير أو عسكري أو أي جبار فاكر أنة علي العرش استوي.
