لو فكـَرت تحلـم ؛ هقـولك حمار
ده واقع مشَخرَم ، وحلمـك بُخار
وسلطـة طحينـة وطُرشـي وخيار
وكوسة ورشوَة وأسعار قايدة نار
وجهل وتعصب ، ده شغل الكبار
وتطبيل يوماتـي ، وإعلامنا عـار
لو فكـَرت تحلـم ،،، هـقــولك عـبـيـط
مافـيـش أمل لحلمك ،، حياة بَظرَميت
ولو مشيت لخطوة ،، هتخبط في حيط
مشيت ياما قبلك وزَي مارُوحت جيت
هتزرع فراولة ،،، هتحـصد قرنابيط
ومش هتلاقي تقلي، مافيش حتي زيت
لو فكـَرت تحلـم ، ماعندكش ذوق
أصلي حلمت قبلك أخدت الخاذوق
أنت مش أوربي ، صحصح وفوق
دي عتمة طويلة ومش باين شروق
ومطـرة وطينة ،،، ورعـد وبروق
هي دي الحقيقـة ،،، جـرَّب ودوق
******************
ميلاد ثابت إسكندر
فنان تشكيلي
وأشكيلك
!!!
![ميلاد إسكندر](https://www.ahram-canada.com/wp-content/uploads/2017/01/151-337x330.jpg)
ميلاد ثابت إسكندر