جريدة الأهرام الجديد الكندية 
مقالات مشابهة
السيسي
هو أحنا علاقتنا كويسة أو مقطوعة مع السعودية عايشين تحت ضغوطها الوهابية ليه دي مصر ياريس كده عيب قوي.
الملك سلمان
بالتاريخ بالجغرافية بالعقل بالنطق بالذوق بالعافية تيران وصنافير مصرية والسيسي باعلك التورماي.
بوتين
لو أنت ميت وشبيهك حرر حلب تسبب في سقوط كلينتون ونجاح ترامب يبقي شبيهك قيصر بصحيح.
ترامب
يلا طريقك أخضرأدخل البيت الأبيض برجلك اليمين وهبعتلك مقشة خوص صعيدي تنظف بيها البيت الأبيض. بس أزرعلنا شوية قصب في الجنينة وحياتك.
إبراهيم عيسي
كان قلبي حاسس أن عليك الدور الحمد لله أني في كندا وإلا كان زماني روحت طرة.
اللبان
أسمك اللبان وتسرق نص مليار أمال لو أسمك الصايغ كنت سرقت البلد كلها بقي.
مجلس الدولة
الرئيس يبقول للغلبان صبح علي مصر بجنية ومش واخد باله أن مجلس الدولة فقط فيه فساد بمليارات.
عبد الناصر
الشبهة بينك وبين السيسي. بالرغم من أنك خربتها إلا أن الشعب بيحبك لغاية دلوقتي.
محمد مرسي
في عصرك كان المصريين بيشتموك علني في الفيس بوك دلوقتي ما بيقدروش يتكلموا عن السيسي في التليفون.
الإعلام المصري
يا أهل الطبل الطبلة أتخرمت صوتها نشاز…. والله التطبيل للفشلة في حد ذاته إنجاز.
مجلس الشعب المصري
إبراهيم عيسي سكت خلاص يارب الدولار سعره ينزل والأسعار تنخفض ولا هتدورا علي شماعة تانية تعلقوا عليها فشلكم؟؟.
وائل شلبي
عامر أنتحر سليمان خاطر أنتحر ووائل شلبي أنتحر وتم دفن سره معاه وعليه العوض في فلوس الشعب المسكين.
مؤمن زكريا
في كل ماتش يا مؤمن تنكد علي جمهور الزمالك أمال لو أسمك كافر كنت عملت فيهم إيه؟؟.
