جريدة الأهرام الجديد الكندية 
مقالات مشابهة
بقلم : احمد بدوى الدسوقى
عارفين ليه وصلنا للدرجة المتدنية فى الموسيقى والغناء؟؟؟؟
عارفين ليه الأغانى اللى مش ليها معانى هى اللى بتنتشر بسرعه عن طريق موسيقى مثيرة صاخبه راقصه ؟؟؟
السبب بسيط روحوا أى مدرسة وانتوا حتعرفوا !!!!!
ياإما حتلاقوا مفيش مدرس موسيقى !!
ولو لقيتوا مدرس موسيقى مش حتلاقوا أدوات موسيقيه !!!!
وممكن تلاقوا إن المدرس من الناحية الدينية مستحرم يبقى مدرس موسيقى ويعلم الأطفال الفن الراقى ودى مصيبه أعظم !!!
فعلا فيه مدرسين بتفكر بالطريقة دى وأشد!!!!!!
طبعا أنا مش حتكلم عن الموسيقى زمان كانت إزاى ممكن حضرتك تستعين بأى فيلم غنائى قديم وتشوف كل الفنون الموسيقية الرائعة !!!
ده حتى المصريين القدماء كانوا بارعين فى إختراع الأدوات الموسيقية وفن النوته الموسيقية وصوروا ذلك على جدران معابدهم وجعلوا هناك ربه راعية للموسيقى والفنون وهى حتحور التى لها معبد يفوق الوصف والخيال بدندرة بمدينة قنا بل أن فى مقابرهم كانو يخصصون إحدى الغرف لآلاتهم الموسيقية ولاننسى أن مقبرة رمسيس الثالث بها حجرة مخصصه لآلة الهارب وعازفه حتى أن مكتشفها سماها مقبرة عازف الهارب !!!!!!
ليه كل حاجه حلوه بتختفى فى هذة الأيام ؟؟؟؟
وفوروا فلوس الأسلحه وأشتروا بيها آلات موسيقيه للمدارس وأعطوا مرتب مميز لمدرس النشاط وخصوصا النشاط الموسيقى ده حيكون أفضل طريقه لمحاربة الأرهاب ،،،،،،،؟
