جريدة الأهرام الجديد الكندية 
مقالات مشابهة
صدقيني لو قولتلك
مبقتش شايف ليكي مني اي احتمال
كلام ليكي مهوش خيال
ولا حتي شعر قولته ارتجال
تحرم عليا الدنيا ديا
مانتي اصلا خسارة فيا
متمسكة بايد عجوز
بتقولي مع الايام يجوز
يشفني ام وحبيبه ليه
وهو ماسك فايده كوز
والخمرة باينه جدا عليه
تأثيرها باين جوه عنيه
حتي ف كلامه
واضح يابنتي جدا الآمه
وحسرته
علي وحدة سابته ف غربته
فجأة لقاها ف وحدته
والزكريات!!!
خايف عليكي من حد فات
تأذيكي ريحته
ماهو شخص مات
امشي وسبيني
خايف عليكي
امشي ارحمني
طب افهميني:
هل يجوز ملاك يقرب منه الشيطان؟!!
يعني ينفع :
القسوة تنضح يوم حنان ؟!!
شخص وجبان
وكإن لوسيفير
اللي خرج آدم من جنته
وضيع عليه اكيد فرحته
عايش معايا
هي دي مكافأة هوايا !!!
وكإن حبك لعنه عايشة بتتغذي فيا
لساكي غاوية حب الاذية ؟!!
لسّاني عايش بستقوي بيا
وكإني عايش مجذوب ما بين قطبين
قطب بياخدني لأسفل السافلين
وقطب بياخدني لزكرايات وحنين
وكلمة صادقة كانت مابين اتنين
وارجع وأقول
واسأل سؤال قدام إجابته فكري يطول
بضيع نفسي ليه علشان ولا شئ
وانا كنت قبلك طفل برئ
لسّاه بيقعد يرسم خياله بالساعات
لسّاه محسش وجع الآهات
لِسَّاه محافظ علي ساعته البيولوجية
لسّاه مركز بكامل قواة العقلية
لا بياخده سهر وتطبيق يدوم ايام
ولا إنه يقعد يتمني إنه ينام
كان نفسي تكوني أنتِ
ويكون ما بينا ميعاد
بالرغم إنك حبيبتي
بتخلي بينا بلاد
ببعد عنك بضيع
مش عاوز انساكي وبيع
هو انت ايه ؟؟
حتة حجر!!
ولا انت اصلا مش بشر؟؟
معلومة ليكي :
كلامي كله دايما عليكي
بصيغة الحاضر
لكني قادر احطك ف محل خارج الإعراب
نصبح كدا جدا أكيد اغراب
اخيراً
اخيراً بوعدك
ووعد الحر دين عليه
هانساكي ولو كنتي ايه
وكأنك تذكرة سيما
قطعتها لفيلم بايخ قصته قديمة
ولإن لوسيفير الشيطان
اقل منه إنه يكون شئ جبان
ولإني لسّاني بحب عيشة الجنان
ولإني لسّاني حاسس بريق أمل
هاكون معاكي ومش معاها
هعيش هواكي وانسي غُناها
لأول مرة بتكلم عنها بصيغة الماضي
ف شئ اكيد اجمل ف يوم آتي
كلمات :د/عبدالرحمن السموري
