جريدة الأهرام الجديد الكندية 
مقالات مشابهة
وسوف اظل اهتف……. الوطنى الحق هو من ينادى باصلاح التعليم ….الوطنى المخلص هو من ينادى باصلاح التعليم …….فمن التعليم اما يخرج لنا مهازل فى كل المجالات …او مفاخر فى كل المجالات ….رسالتى الى الاعلاميين والصحفين والمناصب المختلفة التى يمكن ان تخدم الوطن فى التعليم ….الوطنى الحقيقى هو من يصيب الهدف للنهوض بالوطن …الا وهو النهوض بالتعليم …. ويكفينا خجل وحسرة اننا فى الترتيب رقم 139 من 140 اى اننا فى القاااااااااع ولهذا اقول ؟؟؟؟
بقلم سوزان احمد
وانا ماشية فى الشارع ——-شوفت حاجات تبكى طوب الشارع
الناس رايحة جاية طالعة نازلة —— قاعدة واقفة —— بتجرى وتسبق وتسارع
بتجرى ورا اكل عيشها —–كله ورا اكل عيشه بيسارع
مين للصح بيوجههم ؟؟؟؟——–مين لطريق الخير ياخدهم
مين يفهمهم ؟؟—-مين يعلمهم ؟؟–مين يشرحلهم اصول دينهم
الناس تايهة مش شايفة ——– غير السعى ورا رزقهم
باى طريقة باى وسيلة ——–حتى لو داسوا على الناس برجلهم
حتى لو دفنوا مبادئهم —- واخلاقهم —– وغيروا جلدهم
مش مهم كل ده المهم هو ———-الجرى ورا رزقهم
ازاى ؟؟برضه مش مهم — ومنين ؟؟ برضه مش مهم
المهم هو رزقهم باى شكل —– من غير ما يخافوا ولا يتكسفوا من ربهم
بس هانقول ايه ؟؟——– العيب برضه مش عليهم
العيب على اللى علموهم ….ربوهم واللى بكل ده غرزوهم
يعنى لو نبتدى نبتدى من البيت —— والمدرسة والاعلام هما الاساس
فلما يكون البيت ضايع —– والمدرسة البقاء لله ومعاه الاعلام كمان يبقى ضاع الاساس
يبقى ضاع معاهم الضمير ——والحب والاحساس
يعنى المشكلة لو نبصلها مشكلة جهل العقول —– وهافضل اعيد وازيد واقول
لو عاوزين حالنا يتعدل ——- يبقى اعدلوا التعليم ده هو الاساس
بيه نرفع امم —— وبيه امم عليها ينداس
اعدلوا التعليم يطلع جيل ——-حى الفكر والضمير والاحساس
