جريدة الأهرام الجديد الكندية 
مقالات مشابهة
بقلم حبيب عبد النور
قبل ما تصرخوا وتقولوا مصر مش عجباكم ..
بصوا في مرايتكم واسألوا أنفسكم انتو بتعملوا ايه يعجب مصر ؟
بترمو زبالة في الشارع .. بترتشي .. بتنصب .. بتزوغ من شغلك .. بتغش في تجارتك ، بتسرق زباينك ،، يا أخي ده انتوا بترمو العيانين الغلابة برة المستشفيات وعلى الأرصفة ، والحيوانات بتعذبوها والحمير بتدبحوها ، بتعذبوا أطفال الملاجئ وتهينوا كبار السن والعجزة ، أديان ربنا بتسبوها وتلعنوها ، ناس معاها ملايين وبتشتغل في التسول وتخطف عيال ، الحاجة تشرتيها ب 10 ومش عايز تبيعها باقل من 20 .. الغش والنصب بتعتبرو فهلوة ، لما بيجيلك سائح بتبقى عايز تقلبه وتطلع اللي في جيبه .. إشارة مرور مش عارفين تحترموها
مش بتعرفوا تكلموا بعض إلاّ بالشتايم بالأم والأب وسب الدين .
ليه سكتوا لما جه شوية صيع عملاء منظمات وتجار دين حرقوا منشات الدولة وخربوها وباعوها في سوق النخاسة الاجنبية ؟
لا وشوف مين اللي شغال على الفيس بوك وتويتر بيندب بخته وزعلان .. اللي بيكتب تويتات بوستات يقول للأجانب متجوش مصر مش أمان .
اللي بيشتم بلده وبيقبض من منظمات أجنبية .. اللي مرمي في حضن قطر وتركيا وبيصرف ملايين عشان يسلح مليشيات تخرب مصر ، اللي بيفرح لما جندي يموت او طيارة يحصل فيها حاجة .. اللي بيشمت ويفرح ويدعي ربنا تخرب .
اللي اتحملته البلد دي مفيش بلد تقدر تتحمله ..
بس محدش بيحس ولا حد بيقدر وارجع واقول اصلحوا من أنفسكم لعل الله يصلح أحوالنا جميعاً .
اللهم ارحم مصر من كل جاهل حاقد مغيب .
