جريدة الأهرام الجديد الكندية 
مقالات مشابهة
الشاعر صفوت فريز
يا دبابة يا دايسانى
أنا مصرى أنا صاحبك
أنا مايكل أنا مينا أنا هانى
أنا مواطن وع الجبهة
وقف جنبك
يا دبابتى ياحاميانى
وحامية حدود أوطانى
أنا حكاية عارفها القاصى والدانى
شهيد مصرى صديقة عمرى قاتلانى
أنا الميت أنا المدهوس … بجنزيرك
أنا الواقف فى ماسبيرو
وف حماكى مافيش غيرك
أنا المتهان فى ضميرك
يا دبابة ومين أمرك على موتى
على جسمى على راسى وقال فوتى
أنا المصرى أنا الوطنى مانيش أعداء
أنا شبهك يا بنت الناس لكنة إنداس
بجنزيرك يا دبابة بقيت أشلاء .
