“ومين فينا”

كلمات : تـــريــزا دانــــيـــأل
ومين فينا ماحسش يوم
بقلب حنون سامع شكواه
وأصحاب شايله عنه هموم
ووقت الامه برضو معاه
ومين فينا ماحسش حب
وعاش جواه ليالي طوال
يشوف صورتة يدق القلب
وف بعاده يقول موال
ومين فينا ماسابش فراق
وجرح وحزن مالي قلوب
وعاش ف الوحده بالاشواق
وقال انا راضي بالمكتوب
ومين ماتعبش م الافكار
وساب نفسه لحزنه اسير
وعاش باليأس جوة النار
وملقاش حتي مرة الخير
ومين فكر ف مرة يفوق؟
يحرر نفسه من سجنه
وبعيونه ف وسط شروق
يشوف نور الامل منه