جريدة الأهرام الجديد الكندية كلمات : مســــعود حـــمـــاية
انا مش زعلان علشان يعني
حبيتك وانتي محبتنيش
معروفه ان الدنيا تملي
بتاخد مني ومبتديش
وانا واخد جدا عالاوجاع
كم قبلك يعني عشقني بجد
مع اول موجه هجرني وباع
وانا متعودتش ابان مكسور
معروفه ان الايام .. ساقيه
ولابد هيجي عليكي الدور
وهتشربي من نفس الجره
وهتبكي عليا بدمع العين
تتمني لؤايا ولو .. مره
انا اجمل منك ف مشاعري
مكدبتش مره ف حبي عشان
بلاقيكي ف ابياتي وشعري
ف الاخر كلمه ومن قلبي
انا هطوي الصفحه كما المعتاد
وعلاج الجرح علي ايديكي
معروفه الوصفه انها ف بعاد ..
مسعود حماية
