جريدة الأهرام الجديد الكندية 
مقالات مشابهة
بقلم رزق عبدالله
انا رزق عبدالله ابن النيل
يا تري حكوا لكي عني
انا في حناني مليش مثيل
وفي قسوتي غصب عني
مأنتي صوره من عبير
كانت فيوم بتقول حبيبتي
كانت تقول انت النسيم
وتفرح فيا وقت جرحي
من النهاردة مفيش عبير
راح اداري عليك دمعي
راح اكون معاكي كريم
راح أكشفلك المستخبي
ليكي واحدك سر حزني
فكره لما حفرنا نيلك
ودي حكاية من زمان
لما كان النيل نيلك
ولا كان شعبك يبات عطشان
فكره ثورة تحريرك
كان سعد زعيم كمان
ساعتها رفعنا هلالك وصليبك
شعبك كان وقت الشدة يبان
ايوه كنا مسلم مسيحي نسيجك
وكان ساعتها شعبك شبعان
اوعي يوم تنكري تاريخك
كل شيء ح يظهر ويبان
فكره لما كنا نزرع نخيلك
شعبك النهارده نائم جعان
قولنا نعمل ثورة في يناير
وطلبنا فيها بالاحترام
عيش حريه عدالة اجتماعية
ونبتدئها بالحب وشوية كلام
بس في لحظة غضب الكيان
صراخنا بأعلى صوت
يسقط يسقط النظام
سقط النظام ويه الكيان
ماتت الاخلاق وتاه الانسان
وتحولت ليالينا لظلام
والجند الباسل اصبح جبان
يا خوفي من بكره اللي صابح
كنا بلد التجارة والمصانع
النهاردة بقينا ارض المصالح
داري عني عيونك يا عبير
مين قال الثورة تعمل تغير
عملنا ثورة لا كانوا اثنين
ولسه عبير هي عبير
ملعون ابوكي ثورة
اللي تأخذ من جيب فقير
ملعون ابوكي عزة ولا عبير
لما تخليني قدام العالم
ابقا حقييييييير
وانا اللي كنت سيد سادهم
والكل يعملي الف حساب
النهاردة اتعامل معاملة كلاب
خدي دبلتك ودفاتر اشعاري
خدي دمعتك وعليها حياتي
ورجعي حريتي واحزاني
راح ادور علي عبير غيرك
راح اسكن علي كوكب تأني
رزق عبدالله مش عبيدك
ايوه بحبك ومليش غيرك
انا لسه والله حبيبك
ولسه من قلبي بدعيلك
ربنا يعينك
