جريدة الأهرام الجديد الكندية 
مقالات مشابهة
قالوا أم الدنيا كتير،،، وحضــــارة وفجل وجـرجـيـر
وإحنا ياماحنا فَلحنا نَجحنا ،، وشربنا لبن العصافير
وخرمنا أم التعريفة،، ودهَنا الهـوا صَبغـة نضيفة
وزرعنا كمان المكرونــة،، في البلكونة بالتقطير
وخرطنا أم الملوخيــة ،، ع الطبلية وبَدعنا الزير
والعيش عندنا شمسي وضلي رُد وقولي مين زَينا مين؟
صَدَّرنا العِلم ف كراتين ،، وف علَب التونة والسَــردين
وبنفتي في البحث العلمي، حربـي وسلمـي زيت التموين
فتتنا الذَرَّة بكماشة ،، وعصرنا العُنصر بقُماشة أيوَّه يا باشا
******* دَه سر خطيرررررررررر *******
وشوينا الفيرس ع السيخ، أيوَه يا شيخ، أم العقاقير
واللحمَــة الـنـيَّـة بنلهفها حتي إن كانت لحم حميـر
وبنشرب من أم النيل،،، طعمُـه بالبكـتـريا جـمـيـل
وبنسهر نسمع مَواويل ، أه ياعيني يابطني ياكبـدي
******* أه ياليــــــــــــــــــل *******
بص هقولك وهوَّعـيك ،،، انســيَ كل إللــــــي أنت عرفته
اسمع مني الله يخليك ، ده ماحدش شاف إللــي أنا شُفته
ضحكوا عليا وضحكوا عليك، والشاطر يصحَي بقي لنفسُه
***********************
ميلاد ثابت إسكندر
فنان تشكيلي
