جريدة الأهرام الجديد الكندية 
مقالات مشابهة
بقلم سوزان احمد
شايلين شنطتهم وفيها كتبهم وكراستهم ——–رايحين فرحانين على مدرستهم
كلهم امل يلاقوا الحب والعلم ———– ساكن بين جدران مدرستهم
يلاقوا صحبة جميلة——– يلعبوا ويفرحوا ويتمتعوا بطفولتهم
يلاقوا مدرسين يعلموهم ويفهموهم ——- يخلوا العلم ينور عقلهم وبصيرتهم
رايحين طايرين من الفرحة وكلهم امل ——- يلاقوا بيتهم التانى وامهات زى امهم تزيدهم امل
يلاقوا فى قلوبهم حنان وحب وعلم فياض ——- بفيض حب وعمل
يا عينى قلبهم الصغير اتصدم —— باللى شافوه من اللى كانوا فاكرينهم امهاتهم
قسوة وخوف ورعب—– شافوا بعيونهم اللى محدش شافه
اتبدلت فرحتهم—— ونزلت دمعتهم—– ورموا شنطتهم
وكرهوا يروحوا مدرستهم
حسوا انهم لوحدهم———-حتى وهما وسط صحبتهم
بدل ما تاخدوا بايد ولادنا وتطلعوا بيهم لفوق——ضيعتوهم وقضيتم عليهم
مش ليكم زيهم ؟؟؟——-تعبتوا فيهم وغاليين عليكم ؟؟؟؟؟
ترضوا يتعمل فيهم زى ما بيتعمل فى ولادنا ؟؟؟—– حرام عليكم والله حرام عليكم
نريد تطهير المنظومة لكل من تسبب فى اغتيال طفولة
فى كل من تسبب فى قتل احلام براءة
فى كل من تسبب فى ضياع جيل يتنفس
فى كل من تسبب فى دموع وقهر قلب ام او اب على ابناءه
فى كل من تسبب وصمت وتواطؤ وساند وعتم دموع طفلة او طفل …. طالب او طالبة ….. او مظلوم داخل منظومة مفروضا انها تربية وتعليم
#اغيثونا_من_دواعش_التعليم
