جريدة الأهرام الجديد الكندية 
مقالات مشابهة
بقلم / مايكل عزيز البشموري
جرس الموبيل يرن : ترن ترن ترن
– ضابط الأمن : ألووو سلام عليكم .
– صحفى المخابرات : وعليكم السلام ورحمة الله يا باشا .
– أخبار المزز عندك إية يا ( ج ) ؟! .. ثم يليها ضحكة : ها ها ها
– هاهاها بيبوسو إيدك يا باشا .
– بقولك اية ؟
– اتفضل يا كبير
– يا عّم ( ج ) شكل الناشط بتاعك ريحته فاحت وانكشف ؟!
– لا لا يا باشا دا شغال على قدما وساق .
– كل التقارير اللي عندي بتقول ان الناس كشفت مهمته بأمريكا .
– هينسوا يا باشا … والله هينسوا ومهمته هتنجح بإذن الله .
– انتا متأكد ؟؟!!
– طبعا يا كبير المسألة مسألة وقت مش أكتر .. و اللي نسي ما حدث لقضية الطالبة مريم هينسي اللى قاله خليل أفندي عن ناشطنا إياه !!!
– مريم مين .. مش فاهم ؟!
– انتا نسيت ولا اية يا باشا ؟
– فكرني
– مش الناشط بتاعنا دا هو اللي خدمنا فى حوار الصحفية إياها ؟!
– صحفية مين ؟
– الصحفية القلبوظة بتاعت اليوم التامن !
– اهااااا مش دي الصحفية الخايبة اللي كتبت مقال ضد البت مريم بتاعت صفر الثانوية وقالت عنها مختلة عقليا ؟
– ايوة بالظبط كدة يا باشا 😕
– ااااااخ صحفية مستجدة ومكنتش عارفة تشتغل صح وقتها ، وكانت هتضيعنا كلنا .
– وطبعا لولا ناشطنا الهُمام كان مستقبلها الصحفي راح في خبر كان !
– هو عمل اية فكرني ؟
– يا باشا دا أخدها على كل الأديرة وزورها الكنائس ، وخلاها تعمل حوارات صحفية مع آباء الكنيسة ، وقعد يلمعها ويزينها ويظبطها ، لحد ما الأقباط حبوها ونسيوا مريم واللي خلفوا أم مريم كمان 😄😄😄
– ها ها ها تمام .. تمام .. فعلا الاقباط بينسوا بسرعة ..!!!
– خدامينك يا باشا
– شوف يا ( ج ) الواد دا عاوزينه يستقطب لحسابنا أكبر عدد ممكن من اقباط الكنيسة اللى فى امريكا .. بس يا ترى هيعرف يعمل كدة ؟!
– طبعاً يا باشا .. دا أحسن واحد يعرف يستقطب الدراويش ؟
– دراويش مين يا عّم ( ج ) ؟؟!!!
– يا باشا صبرك عليا بس .. انا هفهمك اللعبة ماشية ازاي ؟! الدراويش دول منتشرين في كل مكان بالكنيسة .. وطبعاً ناشطنا الهُمام عامل فيها قديس وابن الكنيسة ؟
– ابن كنيسة مين ؟ انتا نسيت تسجيلاته مع المزة إياها ولا اية ؟ 😉
– مهو دا سبب اختيارنا ليه يا باشا ، شخص فاسد ومدعي قداسة هاهاهاهاهاهاها
– هاهاهاهاهاهاها
– شوف يا كبير ناشطنا التخين دا كنز استراتيجي وعامل علاقات حلوة مع أباء الكنيسة ، وهو آكتر عميل كاتب لينا تقارير عن النشطاء المشاغبين بتوع ماسبيرو والكهنة المزعجين .
– فعلا والتقارير ديماً بتجيلي أول بأول عنهم .. بس انتا شايف ان لعبته دى راح تمشي على أقباط أمريكا ؟!!!
– مهو طالما عندنا دراويش بيصدقوا أمثال ناشطنا التخين ، يبقا أكيد هنعرف نسيطر عليهم من خلاله ، وهنضرب بواسطتهم فيما بعد اي عمل قبطي جاد فى المهجر .
– وهنضرب ازاي نشطاء الاقباط فى المهجر ؟
– هقول لسيادتك هنضربهم ازاي ؟ .. نشاطنا التخين اللي احنا زارعينه هيروج للبسطاء اللي مصدقينه ان نشطاء المهجر دول ناس أشرار وضد الكنيسة وأبائها ؟ وبالتالي لن ينصت اليهم أحد وسيعمل البسطاء على مقاطعة هؤلاء النشطاء .
– فكرة عبقرية يا واد يا ( ج )
– تلميذك 😊😊
– طب بقولك اية يا ( ج ) ؟
– اتفضل يا كبير
– لو ناشطنا دا احتاج اي خدمة كلمنى فوراً !
– اطمئن يا باشا رجالتنا هناك داعمينه فى كل شيء ، وخلناه يطلع اكثر من مرة في حوار تليفزيوني للسيطرة على مظاهرات اقباط امريكا أمام البيت الابيض !
– تماااااام يا ( ج ) وابقا سلملي على مززك الحلوين هاهاهاهاها
– هاهاهاها ماشي يا باشا سلام .
…………………………………………………………..
تنوية هام : هذا الحوار تخٌيلي ولا يمت بأي صلة للواقع .. لذا وجب التنوية !!!
