جريدة الأهرام الجديد الكندية 
مقالات مشابهة
وهاشعر تاني وهاغني
وأخلي الدنيا تسمعني
وبزيادة
ولو وحدي وايه يعني
وكالعادة
مفيش دنيا بتوقف علي حد
ولا احساس نعيشه بجد
يا عايش عشان رغبة فسؤال من حد
لا هو فيوم هيسأل فيك
ولا انت هتبقي فيوم اجابه لحد
فعيش بس عشان تبقي اجابتك ليك
كإنك يابني عايش fake
بدون أفكار ولا أخبار
ولا فرق فسواد مداري تحت العين
بيتغذي عليك دايما فليل ونهار
كإنه إدمان !!!
هترب منه يوم يعني تروح علي فين
ده خايف يوم تفوق تنسي يروح ينهار
ما اصله شاف فعينك انت اجمل دار
كإنك يابني عايش fake
ماهو الحزن اللي جوا عنيك
ده شئ فاضحك
منا نفسك وحاسه انا بيك
متستغربش..
باني معاك وعايزه ارضيك
منا نفسك وباكيه عليك
وما تهربش
لحزن في يوم يجيلك
تسلمله وتفردله كمان فإيدك
منا نفسك وباكيه عليك
كإنك يابني عايش fake
ومستني فيوم مطره
تمطر حتي لو قطره
تزيل بيها عطش وجفاف
بقاله زمان ومن فتره
أو تبقي شهيد تتشاف
سذاجتك عايشه فغبائك
ومستني سؤال يجي
فيوم من حد راح باعك
عايش والحزن بيساعك
ماهو لو كان ليك!!
لكان جالك ..
سكْن جوا في نن عنيك
لكن انت حابب حالك
وعايش لِسَّه فخيالك
كإنه معاك وحاسس بيك
“كإنك يابني عايش fake”
كلمات /عبدالرحمن السموري
