فاكسات مهاجر يرسلها : مدحت عويضه
22 يوليو، 2016 مقالات واراء
أعاتبك علي إيه ولا إيه
واعاتبك ليه هو أنت سمعت صراخ المظلومين
في المنيا لما هتسمع همسات عتابي؟؟
يا راجل خلي عندك دم
وشوف تقصير الأمن في المنيا
ولو مش عندك دم أسلفك نص لتر.
ناصرتم السادات وقتلتموه
ناصرتم مرسي وانقلبتم عليه
ناصرتم السيسي وهتودوه في داهية.
أول مرة أشوف رئيس
ينلقب عليه الجيش فينتقم
من القضاة والمدرسين تمثيلية مكشوفة.
انا ما شفتش جيش في شوارع تركيا
شوفت ناس بتجري وبيضربوها
وهم يا عيب الشوم عرايا.
حتي لو فشلت الحركة في تركيا
عدوك شوكته انكسرت
قدام العالم وشكله بقي وحش جدا.
تطالب الأقباط بضبط النفس!!!.
غريبة يا فضيلة الشيخ
أن تطلب من المضروب أن لا يبكي
وتترك الضارب يمرح كما يشاء.
أظن آن الأوان نلم حصيرة
بيت العيلة ونرميها
في النيل وخدت الشر وراحت.
أنتم السند الوحيد للمظلوم
لأنكم قوة يحركها
ضميرها ولا تخاف إلا الله.
عندما قتلت إسرائيل الطفل “الدرة”
ملئتم الدنيا صراخا
وعندما ذبحت داعش طفل مريض
في مخيم في سوريا صمتم
صمت الحلمان، لأنكم إعلام بلا ضمير.
بتقول أن ليكم الشرف تكونوا
حريم السلطان أردوغان
يا سيدي نصكم حريم أردوغان
والربع حريم نتياهو
والربع الرابع الغلبان له الله يتولاه.
فيه عٌبط بيقولوا يرحم أيام مبارك
أكيد نسيوا أنك سبب كل البلاوي
إللي أحنا فيها دلوقتي.
فوزك في الانتخابات
هيقصر عمر تردوا في الحكم
روح يا شيخ الله ينصرك وتكسب.
بعد الحادث الإرهابي في ألمانيا
أقدر أقولك كله تحت الموس
المريش والمقصوص يا هانم.
جريدة الأهرام الجديد الكندية 
