فاكسات مهاجر يرسلها: مدحت عويضة
12 يوليو، 2016 مقالات واراء
السيسي
كل سنة وأنت طيب بمناسبة عيد الفطر وعيد ثورة يونيه المجيدة… ياريت ما تنساش كل اللي شاركوا في الثورة وكل إللي ساعدوك.
الشرطة المصرية
مع الجرائم ضد الأقباط نجحنا في ضبط النفس ياريت أنتم مرة واحدة تنجحوا في ضبط المجرمين.
القوات المسلحة
الشعب المصري بيشكر كرمكم علي توزيع شنط العيد.. والأقباط يسألوا ممكن توزعوا علينا أكياس ترمس في عيدنا؟؟.
شيخ الأزهر
فضيلتك قولت لا يوجد نظام أعطي حرية المرأة كالإسلام وأنا بقول لفضيلتك مافيش نظام أعطي حرية المرأة غير كندا صدقني.
جريدة الوطن القاهرية
نشرتم مانشت واحد عن اغتيال قس واستشهاد رجال من الشرطة… ياتري لسه برضه فاكرن أنكم تنويريين بتحاربوا الإرهاب ولا أنتم إللي بتزرعوه.
محمد مرسي
أهدي ما تخافش العيد ده عيد بسكوت وكعك مش بندبح فيه خرفان.
مرتضي منصور
الأهلي أخد الدوري فين ديك …. الرؤية ولا الملاك أخد رشوة من الشركة الراعية وقلبها حمرا؟
أوردغان
إللي بيحضر عفريت يصرفه بس أنا حاسس أن عفريت داعش هو إللي هيصرفك.
ترامب
هيلاري متقدمة عليك… أنت محتاج أتنين ثلاثة “متين” علشان تبقي أكثر متنا وتكسب هيلاري.
هيلاري
سباق الرئاسة الامريكية وضع الأمريكان مابين اختيارين السرطان أو الأيدز.
ملك السعودية
بتقول المملكة عازمة علي القضاء علي الإرهاب… يا راجل الكوميديا بتاعتك غلبت كوميديا محمود المليجي في زمانه.
جماهير الأهلي
جبتم مخدات لمارتن يول في الدوري وهو جابلكم مخدة كبيرة تكفي الكل في بطولة أفريقيا ريحوا للسنة الجاية بقي.
سليم نجيب
وانا احضر لكتابي الأول عظماء الأقباط الكنديين العشرين لم أجد في الجالية ما هو أعظم منك ليزين كتابي.. الله يرحمك.
الأنبا بولا
يا سيدنا هو نوابك خريجي مدارس الصم والبكم وعرفنا مش بيتكلموا وفهمنا طيب ما يعرفوش يكتبوا بيان يدين الجرائم ضد الأقباط؟؟.
جريدة الأهرام الجديد الكندية 
