يااللى النار جواك قايدة
والغلب ف قلبك شايط
صرختك ملهاش فايدة
مااحنا ف زمن الوسايط
ناقصنا ببان لاماكن محجوزة
يدخل منها المظلوم
اللى سمعته بقيت مهزوزة
واحساسه بالضعف مكتوم
عمركش شوفت نور
بيطفى اكتر مابينور
عمركش شوفت واحد
مصدق نفسه وبيزور
دة عدلك لنفسك
ممكن يكون ظلم لغيرك
العدل عدوه الواقع
وصعب يبقى ف تفكيرك
العدل موت لقلوب
ضاع منها ضميرها
وصعب ف الحروب
الناس تعرف سيرها !
كلمات : ديفيد منيب
![](https://www.ahram-canada.com/wp-content/uploads/2016/07/11-2-480x330.jpg)