جريدة الأهرام الجديد الكندية مقالات مشابهة
⁃ أتريد أن تبرأ
ياريت يارب.. أنا مستني أهو حد ييجي يرميني في البِركة.
بس أنا ممكن أشفيك..
خلاص زُقني علي البركة أول ما ييجي الملاك.
وليه تستني الملاك؟ ما أنت ممكن تبرأ بكلمة مني.
لأ هما قالولي أستني الملاك.. وأنا هامشي ورا كلامهم بصراحة.
⁃ ياحبيبي أنا يسوع.. هاشفيك من غير ملايكة!
⁃ وأنا خلاص تخيلت نفسي في الوضع ده، ومش هاغير رأيي.
⁃ حتي لو قولتلك أني هاعمل معاك معجزة جديدة؟
⁃ لا يارب مش عايز حاجات جديدة.. مبحبش المخاطرة والكلام ده.. خليني شبه الناس أحسن.
⁃ يعني مش عايز تخِف؟
⁃ لأ أنا عايز الملاك.
لو عايز تبرأ.. ماتحددش طريقة ليسوع يشتغل بيها.
لو عايز يسوع يشفيك.. أنسي البِركة والملاك والناس.. وبص عليه هو بس.
وأسأل نفسك..
هو أنت عايز تخف فعلاً؟
ولا عايز الملاك؟ ومستني طريقة وشكل وخطوات الناس قالوهالك للشفاء؟
ولو عايز الشفاء هاتاخده بكلمة وتقوم معاه..
ولو مستني الملاك ..
خلاص خليك قاعد.. !
