جريدة الأهرام الجديد الكندية 
مقالات مشابهة
بقلم/ أمل فرج
هو الحب مات ولا احنا اللي ما بقيناش بشر ..
كنا زمان نسمع حكاوي بعدد ورق الشجر ..
نفسي أسمعها ومش لازم تكون ليّه ..
حتى لو لغيري بس أحس إنها حيّة ..
الناس مالها بقت قاسية ولئيمة ..
كلهم بوشين وقلوبهم مش سليمة ..
هو الحب مات ولا احنا اللي متنا ..
عايشين ومش عايشين والدنيا سرقتنا ..
حبسنا مشاعرنا ومشاعرنا بريئة ..
كابرنا واتكبرنا على أحلامنا الجريئة ..
ماتت قلوبنا والعزا كان حقيقة ..
واخر قصة حب كانت تيمور وشفيقة ..
هو الحب مات ولا احنا اللي ما بقيناش بشر ..
لا بقا تروينا حنية ولا بقينا محتاجين مطر ..
مالحب في زمانّا مش اكتر من تمثيلية ..
كان نفسي تكون حقيقية حتى لو مش ليّه ..
كان نفسي أشوف حكاوي حب عظيمة ..
لا يقتلها هجر ولا عُزال ولا نميمة ..
هو الحب مات ولا القسوة موتتنا ..
جرحنا الحب ولا جراحه جرحتنا ..
ولا العيب في ضمايرنا ونوايانا الدنيئة ..
هي الناس كده ناس أصيلة وناس بيئة ..
طيف الحب بيقولي: حوارات زمنكوا خنيقة ..
خليتوني يا هووو بألف طريق وطريقة ..
عشان كده قلبك خالي يا صبيّة ..
عشان وشك واحد مش ميّة ..
