جريدة الأهرام الجديد الكندية 
مقالات مشابهة
هيه الدنيا مالها كده
خلتني قاسي بالشكل ده
مبقتش عارف احب مين
ولا بحالي اروح لفين
صبحت ظنوني ممشياني
بين البشر خلتني اعاني
مش عاوز البس ألف وش
مع كل واحد ابيع واغش
وش الخديعة والامانة
وش البراءة والخيانة
كل دي وشوش خلاص
اتعلمتها منكم ياناس
ضرتني اكتر ماستفدت
مش هبقي تاني طوع لحد
ولا هاجي يوم واعشم بجد
هيبقي طبعي طبع واحد
طبع اتخلق من رب واعد
تقبله متقبلوش ميهمنيش
مدام معايا قلب صافي
خلوني اعيش
كلمات :د/عبدالرحمن السموري
