((( نصيحه شيطانيه)))

الفقير حرام يعيش بكرا
الفقير موته سترا
ولو الدنيا حر او مطرا
محدش يسأل فيه
………………………
والطيب اوعوا تسبوه
وبكلام عنه اجرحوه
فى كل مكان هزقوه
اللى زيه عايش ليه
…………………….
واللى عنده اعاقه ذهنيه
عايروه ف الرايحه والجايه
ضايقوه كل شويه
بلاش يعنى تحسوا بيه
………………………
وإن شوفتوا كفيف
عرفوه انوا ضعيف
واللى حصله شئ مخيف
خوفوه م اللى حوليه
……………………..
واليتيم علموه النم
شيالوه اكتر هم
يدخل جواة يسم
الرجاء اللى ماسك فيه
……………
واللى بيتعبوا عشانكوا
بيسألوا عن خلاصكوا
قلولهم خدونا على جناحكوا
وسبونا ف اللى احنا فيه
………………………
واللى بيعترف بأثامه
وبيشكر حتى فى الالامه
كسروا جواه سلامه
يعنى هو هايكسب ايه
………………………
شايفين اللى بيشتم ابوه
ده حقيقى صاحبوة
ع اللى بيعمله شجعوه
ومحدش ييجى عليه
……………………..
واللى بيدمر جسده
وشاف غلبان وكسره
وراح لغيروا وفسده
ده بصراحه بموت فيه
……………………
اكيد طبعا عرفتونى
ياريت تكونوا فهمتونى
واتمنى بجد ترضونى
وتعملوا اللى قلت عليه
مينا ملاك