جريدة الأهرام الجديد الكندية 
قولوا بس هنسال مين ؟
عن ناس ماليها الشر
ازاي ام .. في السبعين
في الشارع كده تتعر “.
ده باسم الشرع ولا الدين
قولوا بس هنسال مين ؟
جسمها في الشارع بان”
وكرمتها اتفرمت فرم
كل مافيها خلاص اتهان
ف شوارع بلد الكرم .
ناسها مش بني ادمين
قولوا بس هنسال مين ؟
محافظ قال ماتكبرهاش “
انت ياعم استني استني
انت فاكرها اياك جلاش
دي الاقدام تحتها “جنه” .
مش ده كلام العاقلين
قولوا بس هنسال مين ؟
ناس اسودت قلبهم “
وعداله جواهم معدومه
والام دي .. لو امهم
كانوا هيبقوا بجد حكومه.
ولحقها مش سايبين
قولوا بس هنسال مين ؟
مش شايفين حد كويس”
يجري يدور علي حقها
لا محافظ ولا الريس
هيداوي تعريه فجسمها
ولا يمسح عينها المدمعين .
قولوا بس هنسال مين ؟
قررنا هنسال رب الكون “
اللي فاتح لينا بابانه
ازاي يحصل ده ويكون؟
وولادك كده يتهانوا .
باسم الشرع واسم الدين
ناس تتهان وناس تتضر
ازاي ام .. في السبعين
في الشارع كده تتعر
كلمات : مكاريوس رضا
