جريدة الأهرام الجديد الكندية 
مقالات مشابهة
بقلم : احمد الشيمى
ازاي سكت علي كل هذا القدر من المهانة، الراجل سبه وعذبة وطرطر عليه وصوره ولم يقاوم ولم يبلغ لمده سنتين واستمر في الحياة وكأن شي لم يحدث ، طيب ازاي زميلة وبلدياته قام بتصويره واستمتع وصهين علي هتك عرض انسان قدام عنيه ؟
الواقعة دي علي قدر ماهي صادمه ومقززة الا انها تحتاج لوقفه تشخصية من المختصين بدراسة علوم الانفس البشرية لمعرفة التحويلة التي خسر المجتمع عندها الاحساس بالعار او الحرج ، حقيقة انا منذ فتره لاحظت طفح الدنائة علي تصرفات كثير من اهلينا المصريين باختلاف الطبقات والمستويات والكارثة هذه تظهر بوضوح في المغتربين ، اذكر في بداية حياتي في احدي مدن الصعيد ان موظف اتهم في قضية رشوة واتوقف عن العمل لحين انتهاء التحقيق الموظف ده قعد متواري في بيتهم من الكسوف لحد ما اتشل ومات قبل ما يصدر اي قرار في قضيته واذكر كمان انه في اسرة مهندس راي من بحري تدمرت بسبب اشاعة مست شرف زوجة هذا المهندس انتهت بانها اشلعت النار في نفسها لان طفل عاير ابنها بها في المدرسة !!
الامثلة دي دلوقتي بقيت من الاساطير
اين ذهب العيب والحياء منه والاحساس بالعار ، فين شرف الرجال ونبلهم الفطري فين النخوة والاعتزاز بالنفس والكرامة والتعفف ؟ شفت بعيني ناس مقتدرة بتحط نفسها في ذل السؤال عشان تاخد حاجة زيادة عن حاجتها!!
شفت بعيني موظف خمسيني عامل نفسة مضحكة لشوية مرضي عشان علبتين سجاير ووجبة عشا او كرت شحن
!!
شفت بعيني وحدة ست مستقرة ماديا بتعتني بمظهر بنتها عشان تشغلها عند واحد فلاتي مشهور عنه انه سخي مع الجميلات !!
التحول ده بدا بالتدريج منذ اوائل الثماينينات ذي شرخ في جدار سد ظل يتسع من عام الي عام الي ان انهار كليا واغرقنا جميعا في الحضيض
مفيش فرق بين العامل المصري اللي ظهر في الفيديو بينضرب علي قفاه وهو عاري تماما واكمل حياته بعدها بسلاسة ورتابة وبين رئيس جمهورية سابق صدر عليه حكم نهائي يوصمه بانه محض لص ومع ذلك صحته في تحسن وله انصار يحلفون بشرفه
مفيش فرق بين الست اللي طلعت ضربت الصحفيين وهي بترقص متحزمة بصورة الرئيس عشان وجبة وخمسين جنية وعلبتين عصير وبين نائبة في مجلس النواب قالت الحكومة تامر واحنا ننفذ عشان كام توقيع خدمي من السادة الوزراء
مفيش فرق بين صفوت الشريف ولصوص حقبة مبارك وجنرالات امن الدولة اللي راحوا يستفيدوا من قانون التصالح وعيونهم غليظة وبين القواد المتغطرس اللي بيمشي كانه ملك وحواليه حراس كلهم هيبه واخر الليل بيوزع البنات علي الزباين بهمه ونشاط يحسد عليه
حد يفهمني ايه اللي حصل مين اللي ضربنا بقنبلة تبلد وبرود وواقحة فدمرنا من القواعد
؟؟؟؟؟؟؟؟؟؟؟؟؟
