جريدة الأهرام الجديد الكندية 
مقالات مشابهة
انا الفنان انا الفنان
فضلى على الأمم من قديم الزمان
انا اللى عرفونى و نسيوا رئيسى
انا اللى حبونى لاحاسيسى
انا الدمعة اللى فى عيون كل إنسان
انا الحب اللى عدى و داس عليه الزمان
انا اللى نار شوقى من غير رماد
انا اللى حتى نهاية جراحى ملهاش ميعاد
انا الفقير أبو بنطلون مقطع
بس كلامى جوه قلوب الناس بيقطع
انا التاريخ انا الحضارة
انا اللى أكون لكل دولة منارة
انا اللى اسم الشارع على أسمى
انا اللى فى حبك يا مصر محدش يقدر ينافسنى
انا اللى عشانك مبانمش الليل
انا اللى نفسى ماشوفش أهلك دايقين الويل
انا اللى عايزك فوق الفوق
انا اللى نفسى كلنا نفوق
هما مش احسن مننا
و الله عقلهم زى عقلنا
بس فهموا الدنيا صح
مش كل حاجة قالوا بح
و معندهمش حاجة عصايتين و زلطة قالوا حضارة
نافورة الميه سموها منارة
و احنا لسة بنحكى فى الملوخية
و ناس عميانة بتهتف للشرعية
قتلوا أخويا و لبسونا الطرح
ده كان خلاص بكرة الفرح
يا عينى عليكى يا أم الشهيد
قلبك بيتقطع فى كل يوم عيد
كان نفسك يربى عياله يتحمل علاجك
يوم فرحك يبوس ايديكى
يوم جرحك يواسيكى
و فى تعبك يجرى بيكى
خلاص متزعليش هو فى احلى مكان
و كل ظالم عذابه فى الآخرة و الزمان
هو ده حال الدنيا الفراق كتاب كبير
كل يوم تنقطع صفحة
و عيونا زى النيل
دموعها هتخلص فى لمحة
كلمات :عبد الرحمن محمد (بوب )
