جريدة الأهرام الجديد الكندية مقالات مشابهة
سادت حالة من الغضب لدى المصريين بالخارج بعد قرار اللواء هشام أبو سنة رئيس هيئة موانئ البحر الأحمر، والخاص بمنع استقبال أمتعة الركاب القادمة من السعودية ودول الخليج عبر ميناء سفاجا، حيث جاء السبب وراء القرار كما قال رئيس الهيئة بسبب استغلال مستخلصى الجمارك ومحاولات التهريب التى تتم عبر ميناء سفاجا بالتواطؤ مع بعض مستخلصى الجمارك.
وبمجرد نشر الخبر عمت حالة من الغضب لدى المصريين بالخارج ،
حيث قال أحد المصريين “يا من أصدرت هذا القرار الخاطئ ، لأنك بدلا من أن تزيد العاملين بالميناء وتعيد تنظيمة وتأهيله بالكوادر والمعدات وفشلت في هذا كله فأفضل وأسهل شئ تمنع الغرض المخصص له الميناء ، أي ميناء في الدنيا اللي خلقها ربنا مخصص لورود البضائع والركاب والبضائع إما تخص اشخاص أو افراد و أنت لا شأن لك بالقيمة الأقتصادية لهذه الأشياء لأن الشخص أو الفرد وحده هو الذى يحدد مدى قيمتها ومدى احتياجه واسرته لها ، أما الشركات فلك أن تقول لها قيمة اقتصادية أو ليس لها لأنه بالعقل والمنطق لايمكن أن فرد أو شركة سيجلب أشياء ليس له قيمة وأهمية له ، فهذه وجهة نظرك فقط وهي قاصرة ولا تنم عن فكر سديد ، اللهم إلا الفشل في ادارة الميناء بصورة صحيحة فتكدست الشاحنات فلابد أن تجد لك شماعة تعلق عليها فشلك ، وبصورة عامة الموانئ المصرية من أسوأ المواني في ادارتها والعصابات التي تتحكم فيها وفي العاملين الغلابة الذين يأتون من الخليج عن طريقها لظروفهم البسيطة فهو يريد العودة النهائية أو قضاء اجازته فيكون النقل البحري هو الأرخص له رغم معاناته ولكي يستطيع اصطحاب اغراضه الشخصية ومايحتاجه هو واسرته وهذا الاحتياج هو وحده من يقرره وليس معاليك وفكرك متى تتقوا الله في الغلابة ؟ متى تشعروا بآلام ومتاعب الناس ؟ متى تتقوا الله في عملكم وتديروه باحترافية وفكر منظم ؟ متى تتقون الله ؟
ومغترب مصرى أخر قال ، نفسي أفهم إزاي يطلع قرار زي ده في حين الدولة تبحث على أي مصدر للدولار والعفش اللي بيتمنع ده انت مش دافع فيه فلوس ولا مليم بل بالعكس انت بتاخد مننا، ثم بتحمل الناس اللي جاية مشكلتك انك مش قادر على الناس بتاعة التخليص الجمركي اللي عندك، دا إيه التفكير الجهنمي العقيم ده. احب أقولك اننا بنشقا ونتعب علشان نجيب مستلزمات بيوتنا دي عايزنا نرميها في الزبالة هنا لأنها مبيبقاش ليها لزمة ونجيلك نشتري تاني من عندك!!!! حرقتو دمنا
ومصرى ثالث قال لو في تلاعب من مستخلصي الجمارك يبقى نضع قوانين واجراءات تحول دون التلاعب والتهريب والفساد .. انما تمنع الامتعة تبقى انت فاشل ووزير افشل منك انه يوافقك على القرار .. انتوا مصممين تكرهونا في الحكومة بافعالكم الغبية
وافرض ان العفش ولا الأجهزة الكهربية سليمة وشغالة تمام وصاحبها محتاجها بدل ما يشتري جديد من مصر ، ايه مشكلتك انت وايه القيمة الاقتصادية اللى بتتكلم عنها دي، المفروض حضرتك تتصدى لفساد واستغلال شركات التخليص وعمليات التهريب. هي دي مشكلتك
ومصرى رابع قال استاذى الفاضل رئيس موانى البحر الاحمر القرار ده دليل واضح جدا وباعتراف من حضرتك بانك فاشل فى اداره الميناء واتخذت القرار ده لعجزك عن السيطره على مكان انت بتديره فياريت الاكرم لك انك تقدم استقالتك بكل اعتزاز وفخر وتعترف بانك غير قادر على اداره موقع عملك وشكرا
ومصرى خامس قال جميع الاحصاءات تدل على ان تحويلات المصريين من الخارج هى مصدر العمله الاكبر. انتم عمالين تراضوا روسيا والغرب علشان السياح يرجعوا . وروسيا عماله تشترط . وقدامكم كنز العماله بس نسيبها ازاى لازم نقرفهم مره ارجع علشان مش هنجدد لك الاجازه . ومره احسن استغلال فى المطارات بحمد الله على السلامه . ومره بصعوبة فتح حسابات البنوك والتحويل . وآخرها الوزير مش عايزنه نجيب اغراضنا معانا ارحموا اللى متغرب جاب حاجته هنا وعايش بيها وهو نازل يأخدها معاه . ويعنى لو بعت حتى جديد ده موفر عليك كل حاجه ولا بتادى اى خدمه له . ولا علاج ولا سكن ولا وظيفه ولا كهربا ولادعم محروقات ولا حته ميه بيشربها من عندك وبيحول لك عمله صعبه .
طبعا مش هضيف كتير
وبالمناسبه مش هتفرق معانا تقولو اسماء او اميلات
الناس دي باختصار يتفننو في الفساد .. اه وربنا في الفساد وزهق الناس الغلابه اللي سايبين بيوتهم واهلهم عشان اكل العيش
ارحموا الناس لان صدقني انت وغيرك والله وقت الناس دي تجيب اخرها ماحد هيرحمكم حتي لو فيها حياته