جريدة الأهرام الجديد الكندية 
مقالات مشابهة
بالأمس قام المغترب المصرى بالسعودية الأستاذ محمد دنيا أدمن جروب الجالية المصرية بالسعودية وجروبات أخرى بنشر استغاثة طبيبة مصرية بسجون السعودية مطالباً الجميع بمساندتها خاصة وأنه تأكد من عدد من المقربين أنها بحاجة الى ملابس ومال ، ومن منطلق الدور الإجتماعى الذى تمارسه الأهرام وهو مساندة أبناء الجاليات المصرية بالخارج قمنا بنشر هذه الاستغاثة ، وبعد النشر وصلت العديد من ردود الأفعال للأستاذ محمد دنيا حول مشكلة الطبيبة المصرية ، قام على آثر هذه الردود بنشر توضيح وقام بإرساله للأهرام ومن منطلق الأمانة الصحفية ننشر التوضيح كما ورد لنا
واليكم نص التوضيح
بالنسبة لموضوع دكتورة رشا و طليقها حابب اوضح نقطتين
اولا كل الكلام و الاستغاثة اللي انا نشرته في البوست الأول كله كان علي لسان والدتها لأنها اتصلت بى من مصر والله
و مكانش عندي معلومات كافية غير اللي انا كنت كتبته بس
ثانيا . مش ذنبي يا جماعة ان والدتها كذبت عليا في الموضوع و انا لما نزلت البوست التاني للتوضيح لان بالفعل والله والله ناس من اللي اتنصب عليهم كلموني علي الخاص
و في نفس الوقت انا اتهاجمت من بعض الناس اني كدا بشهر بيها !!
ابدا والله لا اخلاقي و لا مبادئي تسمحلي بكده
بس فيه ناس كانت عايزة تعرف الحقيقة فين و ليه هيا محبوسة
و ناس كتير اتصلت بى و كانت مهمته بالموضوع لأبعد الحدود
فمن حقهم انهم كانوا يعرفوا الحقيقة
و بصراحة في لحظتها اني مسحت المنشور التاني بسرعه عشان يهمني جدا ان ثقة الناس متتهزش بى ابدا
نقطة اخيرة المستشار القانوني للقنصلية المصرية بالرياض اتصل بي و بلغني انهم عرفوا بالموضوع و حولوه للشئون القانونية و هما هيتابعوا بنفسهم معاها
و شكرا لكل المصريين اللي اهتموا بالموضوع بغض النظر ان الموضوع كان فيه لبس
و آسف علي الاطاله
